Transcription
1
Monsieur, sen retournant ce laquays, jay bien voullu vous
2
fère entendre des nouvelles que me vient de mander
3
monsieur le comte de Tande, qui est du passaige
4
de huict gallères qui portent le duc de Sexe, lequel
5
va treuver le Seigneur Domt Jehan d’Austrye pour estre
6
son lieutenent general, tant par mer que par terre,
7
luy pourtant la resolution de son voyage, estant
8
fort bien accompaigné, ayant avecq luy envyron mil
9
hommes vollontères où il y a beaucoup de Grandz d’Espaigne,
10
entre aultres le duc de Nagero, lequel sen va
11
embassadeur prez du pappe, et le duc de [nom en blanc]
12
sen va vers lempereur. Ilz ont surgy à Sainct Lazère près
13
de Thoumllon et faict fort mauvayse mine de vous
14
amys. Il y a nouvelles aussy de la desfaicte du
15
sieur de Jainly, voullant entrer dans Montz. La Prouvence
16
est en grand allarme, mais pour tout cella, il
17
ne se liève ung seul homme à ce que me dict hier
18monsieur d’Entrecasteau, qui passa [barré : questz ] seans.
19
Bien me dict il que monsieur le comte de Tande attandoy
20
responce du roy par le sieur de La Molle quil
21
avoyt despeché en dilligence. Nestant ceste cy pour aultre,
22
je la finiray avec mes bien humbles recommandations à
23
vostre bonne grace, priant Dieu vous donner
24
Monsieur, bonne santé, heureuse et longue vye. De Suze,
25
ce Ve daoust 1572
26
Suze
27
[Marge gauche, en travers :] Je desire scavoyr des nouvelles de vostre santé, aiant esté adverti quavez eu quelques escès de
28
fiebvre, vous offrant tout ce quest à mon pouvoyr, et vous demeurant
29
Vostre plus affettionné et obeissant à vous faire service
30